એક-એક છોડમાંથી 40 કિલો ફળ ઉતરશે, એક વાર લગાવો 70 વર્ષ સુધી કમાણી કરો, જામફળની આ વેરાયટી છે સુપરહિટ

જામફળની બાગાયતી ખેતી કરીને ખેડૂતો 70 વર્ષ સુધી કમાણી કરી શકે છે. જાપાનીઝ રેડ ડાયમંડ, તાઈવાન પિંક જેવા વેરાયટી ખૂબ જ ફાયદાકારક સાબિત થાય છે. જેમાં દરેક છોડ પર લગભગ 40 કિલો સુધી જામફળનો પાક ઉતરે છે. આ ખેતીમાં નુકસાનની ભરપાઈ કરી ત્રણ ગણી કમાણીનું સાધન બની શકે છે. જામફળની બાગાયતી ખેતી કરનારા ખેડૂતો માટે આ ખાસ સમાચાર છે. જો તમે આ બાગાયતીને વ્યાવસાયિક રૂપ આપવા માગો છો તો ખેતીમાં આપના નુકસાનની ભરપાઈ અને ખોટથી ત્રણ ગણી વધારે કમાણીનું સાધન બની શકે છે. તો આજે અમે આપને અમુક એવી વેરાયટીની જાણકારી આપવાના છીએ, જેને એક વાર લગાવીને ભવિષ્યમાં 70 વર્ષ સુધી તમે ફળ લઈ શકશો. જામફળની પાંચ એવી વેરાયટી છે, જેને ખેડૂતોએ જરૂરથી લગાવવી જોઈએ. જાપાનીઝ રેડ ડાયમંડ જામફળ એક એવી વેરાયટી છે, જે 70 વર્ષ સુધી ફળ આપવાની અવસ્થામાં રહે છે. ખેડૂતો તેની બાગાયતી વ્યાવસાયિક સ્તર પર કરી શકે છે. છોડ રોપણીના શરૂઆતના સમયથી પુખ્ત થતાં લગભગ 10થી 15 કિલો સુધી ઉતારો આવે છે. વળી જ્યારે છોડ એકદમ મેચ્યોર થઈ જાય ત્યારે તેમાં 40 કિલો સુધી જામફળ લઈ શકાય છે. કંઈક આવી જ રીતે ખેડૂતો તાઈવાન પિંક, હિસાર સફેદા, થાઈ કેજી, વ્હાઈટ ગોલ્ડ વગેરે વેરાયટી પસંદ કરી શકે છે. જાપનીઝ રેડ ડાયમંડની માફક આ વેરાયટી પણ 70 વર્ષ સુધી ફળ આપવાની અવસ્થામાં રહે છે. ધ્યાન રાખો કે છોડના સારા સ્વાસ્થ્ય માટે પહેલા બે વર્ષ સુધી ફળ નથી લેવાના. ડાળી પર ફળ આવતા પહેલા તેને તોડીને હટાવી દેવાના છે, જેથી છોડ પર ભાર ન પડે. ત્રીજા વર્ષથી ખેડૂતો તેનાથી ફળોની હાર્વેસ્ટિંગ કરી શકે છે અને બજારમાં વેચી શકે છે. ખેડૂત રવિકાંત જણાવે છે કે જ્યાં સુધી વાત છોડ રોપણીની છે, તો એક એકરમાં આ તમામ વેરાયટીના 250 છોડને આસાનીથી ઉગાડી શકો છો. પૂરતા અંતર અને યોગ્ય ટેકનિકથી બાગાયતી કરી તમે આશા કરતા વધારે ફળ અને ઉચ્ચ ગુણવત્તાવાળા ફળ લઈ શકો છો.