રિટાયરમેન્ટની ચિંતા છોડો: ખેતરમાં શેઢા પર આ ઝાડ લગાવો, 3 વર્ષ પછી લાખોમાં આવક શરુ થઈ જશે

આજકાલ ખાલી ઘઉં, ધાન કે પરંપરાગત પાક ઉગાડવામાં મહેનત અને ખર્ચા પણ વધારે થાય છે, પણ નફો એટલો મળતો નથી. આવા સમયે જો ખેડૂત ભાઈઓ પોતાના ખેતરમાં અથવા ખેતરના શેઢા પર અમુક કિંમતી ઝાડ લગાવી દે, તો ખૂબ જ ઓછા ખર્ચામાં લાખો-કરોડો રૂપિયાની મોટી કમાણી કરી શકે છે. આ ઝાડ એક વાર લગાવ્યા બાદ દેખરેખ નથી માગતા અને થોડા જ વર્ષોમાં એકસાથે ઢગલાબંધ રૂપિયા અપાવશે. તો આવો જાણીએ આ 5 ઝાડ વિશે, જેને લગાવીને ખૂબ જ ઓછા સમયમાં તમે પણ માલામાલ થઈ શકો છો. આજના સમયમાં ખેડૂત ભાઈઓ પોતાના પરંપરાગત પાકની સાથે સાથે ખાસ ઝાડની વ્યવસાયિક ખેતી કરી બહુ મોટો તગડો નફો કમાઈ શકે છે. અમુક એવા ઝાડ છે, જે ઓછા સમયમાં તૈયાર થઈ જાય છે અને બજારમાં તેનું લાકડું ખૂબ ઊંચા ભાવે વેચાય છે. તેમાં સાગ, મહોગની, ચંદન, આફ્રિકન બ્લેકવુડ અને વાંસ મુખ્યત્વે સામેલ છે. તેની બાગાયતી કરી ખેડૂતો ઓછા ખર્ચામાં પોતાની આવકને કેટલાય ગણી વધારી શકે છે. સાગની ખેતી લાંબા ગાળે કરોડો રૂપિયાનો નફો કરાવી શકે છે. સાગના લાકડું પોતાની મજબૂતી, ચમક અને ઉધઈ ન લાગનારા ગુણોના કારણે ફર્નિચર, દરવાજા, જહાજ, પ્લાઈવુડ અને મંદિરો માટે દુનિયાભરમાં પસંદ કરવામાં આવે છે. તેની ઇન્ટરનેશનલ ડિમાન્ડ ખૂબ વધારે છે અને બજારમાં તેનો ભાવ 4500થી 6000 પ્રતિ ઘન ફુટ સુધી આસાનીથી મળી જાય છે. તેની ખેતીની શરૂઆત જૂન-જુલાઈમાં ચોમાસા સાથે કરવી સૌથી સારું માનવામાં આવે છે. કૃષિ વૈજ્ઞાનિક ડો. મહેંદીરત્તાએ જણાવ્યું કે, જો તમે ટિશ્યૂ કલ્ચરથી પ્રમાણિત છોડ લગાવો છો તો તે સૌથી ઝડપી વધે છે અને 12થી 15 વર્ષમાં કાપવા માટે તૈયાર થઈ જાય છે, જ્યારે સામાન્ય રૂટ કટિંગવાળા છોડ 18થી 20 વર્ષનો સમય લગાવે છે. તેને લગાવવા માટે 45x45 સેન્ટીમીટરના ખાડા બનાવી તેમાં ગોબરનું સડેલું ખાતર નાખો અને છોડને 8x10 ફુટના અંતરે લગાવો. શરૂઆતી ત્રણ વર્ષ સુધી ડ્રિપ સિસ્ટમથી સિંચાઈ અને નીચેની ડાળીઓને કાપવી જરૂરી છે. ત્યાર બાદ આ ઝાડને વધારે દેખરેખની જરૂર રહેતી નથી. એક એકરમાં તેના લગભગ 500 છોડ લાગે છે અને ખર્ચો 1થી 1.2 લાખ સુધી આવે છે. ખેડૂત ભાઈઓ મહોગનીની ખેતીથી ખાલી 10થી 12 વર્ષમાં કરોડો રૂપિયા કમાઈ શકે છે. સાગની તુલનામાં આ ઝાડ 3-4 વર્ષ પહેલા જ તૈયાર થઈ જાય છે. તેનું લાલ-ભૂરું અને ખૂબ લાકડાનો ઉપયોગ કિંમતી ફર્નિચર, હોડી, ગિટાર અને લક્ઝરી ગાડીઓમાં ઇન્ટિરિયરમાં ખૂબ વપરાય છે. ઇન્ટરનેશનલ માર્કેટમાં તેનો ભાવ 2500થી 3500 રૂપિયા પ્રતિ ઘન ફુટ સુધી મળી જાય છે. તેના માટે રેતાળ માટી સૌથી સારી માનવામાં આવે છે. બસ ધ્યાન રાખો કે ખેતરમાં પાણી જમા ન થાય. જૂન-જુલાઈમાં ગોબરના ખાતર સાથે તેને 6x6 ફુટના અંતરે લગાવવામાં આવે છે. મહોગનીના છોડને જો ખેતરના શેઢા પર લગાવવામાં આવે તો તેનાથી ખેતરમાં લાગેલા ઘઉં, શેરડી જેવા પાકને કોઈ નુકસાન થતું નથી. પહેલા બે વર્ષ ગરમીમાં 15-15 દિવસે સિંચાઈ કરવી અને ખડ દૂર કરવું જરૂરી છે. ત્રણ વર્ષ બાદ આ ઝાડ દુકાળ પણ સહન કરી લેશે. એક એકરમાં તેના 400થી 450 છોડ લગાવી શકાય છે અને ખર્ચ 70થી 90 હજાર સુધી આવે છે. 12 વર્ષ બાદ એક ઝાડ 20થી 25 હજાર વેચાય છે. એટલે કે એક એકરમાંથી 80 લાખથી 1.1 કરોડ સુધી એક સાથે કમાણી થઈ શકે છે. તેના બી અને છાલમાંથી ડાયાબિટીસ તથા બીપીની દવાઓ પણ બને છે અને તેના બી પણ 300-400 રૂપિયે કિલો વેચાય છે. તેના માટે સરકારી નર્સરીમાંથી સસ્તા છોડ અને કાપવા માટે પરમિટ પણ આસાનીથી મળી જાય છે. ચંદનની ખેતી કરી ખેડૂત ભાઈઓ 12-15 વર્ષમાં લાખો-કરોડોનો નફો કમાઈ શકે છે. તેને સફેદ સોનું પણ કહેવાય છે. કેમ કે તેનું લાકડું અને તેનું તેલની ઇન્ટરનેશનલ માર્કેટમાં બહુ ભારે ડિમાન્ડ રહે છે. બજારમાં તેનો ભાવ 10 હજારથી લઈ 25 હજાર પ્રતિ કિલો સુધી જાય છે. કેમ કે ચંદન એક અર્ધ-પરજીવી છોડ છે. એટલા માટે તેના મૂળને પોષણ આપવા માટે તેની સાથે લીમડો અને બાવળ જેવા મેજબાન છોડ લગાવવા ખૂબ જ જરૂરી છે. જૂન-જુલાઈમાં રેતાળ માટી અને સારી તડકાવાળી જગ્યા પર 10x10 ફુટના અંતે તેની વાવણી કરી શકાય છે. એક એકરમાં 400 છોડ લગાવી 12 વર્ષ બાદ 1.5થી 2 કરોડ સુધીની આવક આરામથી કરી શકાય છે. જો કે તેના માટે સરકાર પાસેથી પરમિશન અથવા લાઈસન્સ લેવું જરૂરી હોય છે. આફ્રિકન બ્લેકવુડ દુનિયાના સૌથી મોંઘા લાકડામાં તેની ગણતરી થાય છે. એટલા માટે તેને બ્લેક ગોલ્ડ પણ કહેવાય છે. તેનો સૌથી વધારે ઉપયોગ કિંમતી મ્યુઝિકલ ઇન્સ્ટ્રુમેન્ટ, જેમ કે ક્લારનેટ અને શરણાઈ બનાવવામાં થાય છે. તેનો ભાવ 20 હજારથી 40 હજાર પ્રતિ કિલો સુધી મળી જાય છે. આ ઝાડ ગરમ અને સૂકા વિસ્તારમાં ઝડપથી વધે છે અને તેના માટે ભારતની ગરમ જળવાયુ અને રેતાળ માટી બિલકુલ ઉપયોગી છે. જૂન -જુલાઈમાં 8x8ના અંતરે તેના છોડ લગાવી શકાય. શરૂઆતી 3 વર્ષ તેને પાણીની જરૂર હોય છે. બાદમાં તે છોડ ગરમી સહન કરવા તૈયાર થઈ જાય છે. એક એકરમાં તેના 600 છોડ લગાવવાનો ખર્ચ લગભગ 1.5 લાખ આવે છે અને 20-25 વર્ષ બાદ જ્યારે આ ઝાડ 50 હજારથી 1 લાખ સુધીમાં વેચાય છે તો એક એકરમાંથી 3થી 6 કરોડ રૂપિયાનો બંપર નફો થઈ શકે છે. નાના અને સીમાંત ખેડૂતો માટે વાંસની ખેતી લીલા સોનાની માફક કામ કરે છે. કેમ કે તેમાં ખાલી 3 વર્ષમાં જ કમાણી શરૂ થઈ જાય છે. ફર્નિચર, કાગળ, અગરબત્તી અને કન્સ્ટ્રક્શનના કામમાં વાંસની માગ હંમેશા રહે છે. જૂન-જુલાઈ દરમ્યાન રેતાળ માટીમાં 5x4 ફુટના અંતર પર બંબૂસા બાલકોઆ અને ટ્રુલ્ડા જેવી શાનદાર વેરાયટીના છોડ લગાવો. પહેલા વર્ષ ડ્રિપથી સિંચાઈ આપે, બાદમાં ઓછું પાણી જોશે. એક એકરમાં 50 હજારના ખર્ચાથી 1000 છોડ લગાવો. ત્રીજા વર્ષથી તેની કાપણી શરૂ થઈ જાય છે, જેનાથી દર વર્ષે 3થી 4 લાખની નિયમિત આવક થવા લાગશે અને આ સિલસિલો આગામી 10 વર્ષ સુધી ચાલે છે. સરકાર તેના પર 50 ટકા સુધીની સબ્સિડી પણ આપે છે. ઓછો ખર્ચો, જલદી રિટર્ન અને વારંવાર કાપણીના કારણે આ નાના ખેડૂતો માટે સૌથી બેસ્ટ ડીલ સાબિત થાય છે.